მკვლელობაში ბრალდებული მარეკ დუდაევი ოკუპირებულ ცხინვალში მოკლეს

რუსული და აფხაზურენოვანი მედიის ცნობით, ოკუპირებულ ცხინვალის რეგიონში მარეკ დუდაევი მოკლეს. მედია ინფორმაციას ოკუპირებული ცხინვალის მარიონეტული რეჟიმის სამართალდამცავებზე დაყრდნობით ავრცელებს. 

"მკვლელმა დუდაევს 3-ჯერ ესროლა. მისი გვამი სოფელ არცევში იპოვეს. სოფლის კლუბის ყოფილ ტერიტორიაზე მას ფერმა ჰქონდა გაშენებული. წინასწარი ინფორმაციის მიხედვით, ის შენობის მეორე სართულზე იმყოფებოდა, როცა თანასოფლელმა მას 3 ჭრილობა მიაყენა,"- აცხადებს დე-ფაქტო შინაგან საქმეთა სამინისტრო. 

მარეკ დუდაევი ქართველმა სამართალდამცავებმა 2004 წლის მარტში 3 ადამიანის მკვლელობის, ფულის გამოძალვისა და ყაჩაღობის ბრალდებით დააკავეს და შემდგომში სასამართლომ მას 23 წლით თავისუფლების აღკვეთა მიუსაჯა. ის პატიმრობიდან 2013 წლის 8 იანვარს საყოველთაო ამინისტიის დროს გაათავისუფლეს. დუდაევმა საქართველოს კონტროლირებადი ტერიტორია გათავისუფლების დღესვე დატოვა.