შსს: სამცხე-ჯავახეთში უკანონოდ მოჭრილი ხე-ტყე ამოვიღეთ (ფოტო)

საქართველოს შინაგან საქმეთა სამინისტროს ინფორმაცით, უწყებამ, ხე-ბუჩქნარის უკანონოდ გაჩეხვის ფაქტზე 13 პირი გამოავლინა, ხოლო ხე-ტყის პირველადი გადამამუშავებელი ობიექტის (სახერხი საამქროს) ტექნიკური რეგლამენტის მოთხოვნების დარღვევის ფაქტზე 4 პირი ამხილა.

"სამართალდამცველებმა, ბორჯომის, ადიგენის, ასპინძის, ახალციხის და ნინოწმინდის რაიონში, მხილებულების ავტომანქანებიდან უკანონოდ მოპოვებული ხის მრგვალი მორები და სამასალე ფიცრები ამოიღეს, ხოლო გამოვლენილი არალიცენზირებული სახერხი საამქროები დალუქეს", - აცხადებენ შსს-ში.

გამოძიება ხე-ბუჩქნარის უკანონოდ გაჩეხვისა ფაქტზე მიმდინარეობს (საქართველოს სსკ-ის 303-ე მუხლის პირველი ნაწილით).