ვაკეში, სავარაუდოდ არასრულწლოვანმა, სილამაზის სალონის გაძარცვა სცადა

ვაკეში, ჭავჭავაძის გამზირზე, სილამაზის სალონის გაძარცვა სცადეს. ადგილზე ექსპერტ-კრიმინალისტები მუშაობენ.

როგორც ტაბულას საქართველოს შინაგან საქმეთა სამინისტროში უთხრეს, გამოძიების პირველადი მონაცემებით, თავდამსხმელი ერთი პირია და ის არასრულწლოვანია.

"წაღებული არაფერი არ არის და მიმდინარეობს საგამოძიებო მოქმედებები", - აცხადებენ უწყებაში.