აშშ-ის სარაკეტო გამანადგურებელი "ჯონ მაკკეინი" სინგაპურთან, მალაკის სრუტეში ლიბერიის დროშის ქვეშ მოძრავ ნავთობის ტანკერს შეეჯახა.
ინციდენტის შედეგად 5 მეზღვაური დაშავდა, 10 კი დაკარგულად ითვლება,. მიმდინარეობს მეზღვაურების ინტენსიური ძებნის ოპერაცია.
გავრცელებული ინფორმაციით, სამხედრო გემი სინგაპურის პორტში მიემართებოდა. დაზიანებულია გემის კიჩოს ნაწილი.
ინციდენტს აშშ-ის პრეზიდენტი დონალდ ტრამპიც გამოეხმაურა.
"ფიქრებით და ლოცვით ჩვენს მეზღვაურებთან ერთად ვარ. მიმდინარეობს სამძებრო და სამაშველო ოპერაცია", - წერს ტრამპი Twitter-ზე.
