ძლიერი წვიმის და შტორმის გამო, სტამბოლის ნაწილი პარალიზებულია. თურქული გამოცემა hurriyetdailynews-ის ცნობით, დატბორილია შენობები, მაღაზიები და ოფისები. შეჩერებულია ზოგიერთი მეტროსადგურის და საზოგადოებრივი ტრანსპორტის მუშაობა.
სტამბოლის საგანგებო მართვის სამსახურის განცხადებით, მაღალია წყალდიდობის რისკი.
სტამბოლის მთავრობა მოუწოდებს ადგილობრივებს, თავი შეიკავონ ავტომანქანებით გადაადგილებისგან.