ე.წ. ციანიდის საქმის არსებითი განხილვა დღეს, 11:00 საათზე გაგრძელდება. ბრალდების მხარე საკუთარ მოწმეებს დაკითხავს.
დეკანოზ გიორგი მამალაძეს პროკურატურა პატრიარქის მდივან-რეფერენტის შორენა თეთრუაშვილის მკვლელობის მომზადებას ედავება. მას ბრალი ანგარებით განზრახ მკვლელობის მომზადების მუხლით აქვს წარდგენილი. გამოძიების თანახმად, არსებული მატერიალური და იერარქიული მდგომარეობის შენარჩუნებისა და მომავალში კარიერული წინსვლის უზრუნველსაყოფად, დეკანოზმა ანგარებით განიზრახა ციანიდის გამოყენებით თეთრუაშვილის მკვლელობა.
