2017 წლის პირველ კვარტალში პირდაპირი უცხოური ინვესტიციები 4%-ით გაიზარდა

2017 წლის იანვარ-მარტში საქართველოში პირდაპირი უცხოური ინვესტიციების (FDI) სახით $403 მილიონი შემოვიდა, რაც 2016 წელთან შედარებით 3.7%-ით მეტია. ამის შესახებ საქსტატის მიერ დღეს გამოქვეყნებული ანგარიშიდან გახდა ცნობილი.

ანგარიშის მიხედვით საქართველოს ძირითადი ინვესტორი ქვეყნების რეიტინგი ასე გამოიყურება

1. აზერბაიჯანი - $97 მილიონი, კლება წინა წელთან 30%
2. თურქეთი - $82 მილიონი, ზრდა წინა წელთან 43%
3. დიდი ბრიტანეთი - $80 მილიონი, ზრდა წინა წელთან 81%
4. გაერთიანებული საემიროები - $39 მილიონი, ზრდა წინა წელთან 3800%
5. კვიპროსი - $22 მილიონი, ზრდა წინა წელთან 214%
6. ნიდერლანდები - $20 მილიონი, წლება წინა წელთან 5%
7. აშშ - $16 მილიონი, ზრდა წინა წელთან 77%
8. მალტა - $14 მილიონი, ზრდა წინა წელთან 100%
9. პანამა - $12 მილიონი, ზრდა წინა წელთან 300%
10. დანარჩენი ქვეყნები - $22 მილიონი, კლება წინა წელთან 79%

უმსხვილესი ინვესტორი ქვეყნების სიაში მოხვდა ოფშორული ზონაც (პანამა), ქართული ბიზნესები ოფშორებს ხშირად რეინვესტირებისთვის იყენებენ.

ეკონომიკის სექტორების მიხედვით, საინვესტიციოდ ყველაზე მეტი მიმზიდველობით ტრანსპორტი და კავშირგაბმულობა გამოირჩევა, აქ პირველ კვარტალში $141 მილიონი ჩაიდო. შემდეგ ადგილზეა უძრავი ქონება - $80 მილიონი.

უმსხვილესი საინვესტიციო სექტორების რეიტინგი და ამ სექტორებში ჩადებული ინვესტიციების ზრდა/კლება ასე გამოიყურება:

1. ტრანსპორტი და კავშირგაბმულობა - $141 მილიონი, კლება წინა წელთან 31%

2. უძრავი ქონება - $80 მილიონი, ზრდა წინა წელთან 280%

3. საფინანსო სექტორი - $80 მილიონი, ზრდა წინა წელთან 37%

4. მშენებლობა - $56 მილიონი, ზრდა წინა წელთან 184%

5. სასტუმროები რესტორნები - $16 მილიონი, კლება წინა წელთან 16%

6. სამთომომპოვებელი მრეწველობა - $9 მილიონი, ზრდა წინა წელთან 28%

7. ენერგეტიკა - $7 მილიონი, კლება წინა წელთან 83%

საქსტატის მონაცემები წინასწარია და შესაძლოა შეიცვალოს.