Microsoft-ი დღეს, 11 აპრილს Windows Vista-ს ტექნიკურ მომსახურებას წყვეტს. ამ ნაბიჯით Microsoft-ი 11 წლის წინ გამოსულ ოპერაციულ სისტემას ემშვიდობება. ტექნიკური მომსახურების შეწყვეტა ნიშნავს, რომ მათ ვინც დღემდე ამ სისტემას იყენებს ოპერაციულ განახლებას ვეღარ მიიღებს.
2006 წლის 8 ნოემბერს გამოსული Vista იყო Microsoft-ის მცდელობა მომხმარებლისთვის უფრო თანამედროვე სისტემა შეეთავაზებინა. Vista-ს იმ დროისთვის ახალი 3D ანიმაციის ფუნქციები ჰქონდა. Microsoft-ის მცდელობის მიუხედავად მომხმარებელთა დიდმა ნაწილმა Vista არ დააყენა, მათი ნაწილი კი ვინც XP-ის იყენებდა პირდაპირ 2009 წელს გამოსულ Windows 7-ზე გადაერთო.
2017 წლის მარტის მდგომარეობით, ოპერაციული სისტემების რეიტინგი ასე ნაწილდება:
- Windows 7 - 49.2%
- Windows 10 - 25.4%
- Windows XP - 7.4%
- Windows 8.1 - 6.7%
- Mac OS X - 3.2%
- Linux - 2.1%
- Windows 8 - 1.5%
- Windows Vista - 0.7%
