მეუფე ზოსიმე: დეკანოზ გიორგი მამალაძის საკითხი სინოდის სხდომაზე არ განგვიხილავს

წმიდა სინოდის სხდომის დასრულების შემდეგ მიტროპოლიტმა ზოსიმე შიოშვილმა თქვა, რომ სხდომაზე დეკანოზ გიორგი მამალაძის საკითხი არ განუხილავთ. მისივე თქმით, ჭყონდიდის მიტროპოლიტ პეტრე ცაავას საპატრიარქოს ტელევიზიის გენერალური დირექტორის თანამდებობიდან გათავისუფლების შესახებ საპატრიარქოს ოფიციალური წარმომადგენელი მოგვიანებით გააკეთებს განცხადებას.