აშშ-ის პრეზიდენტმა დონალდ ტრამპმა ოვალურ ოფისში უინსტონ ჩერჩილის ბიუსტი დააბრუნა. ტრამპის თქმით, დიდი პატივია, რომ ოვალურ ოფისში უინსტონ ჩერჩილის ბიუსტი კვლავ იდგმება. ტრამპის გადაწყვეტილება ბრიტანეთის პრემიერმა ტერეზა მეიმ მოიწონა და აღნიშნა, რომ ეს ძალიან სასიამოვნო გადაწყვეტილებაა.
ჩერჩილის ბიუსტი აშშ-სა და ბრიტანეთს შორის "განსაკუთრებული ურთიერთობის" სიმბოლოა. ჩერჩილის ბიუსტის ოვალური ოფისიდან გატანასა და მის ნაცვლად მარტინ ლუთერ კინგის ბიუსტის დადგმა ბარაკ ობამას გადაწყვეტილება იყო, მის ამ ნაბიჯს აზრთა სხვადასხვაობა მოყვა.
საინტერესოა ისიც, რომ თეთრ სახლში უინსტონ ჩერჩილის 2 ბიუსტი დგას. Washington Post-ის ცნობით, ბიუსტი, რომელიც ობამამ ოვალური ოფისიდან გაიტანა და ტრამპა უკან დააბრუნა, ობამას წინამორბედ ჯორჯ ბუშს ბრიტანეთის ექსპრემიერმა, ტონი ბლერმა გადასცა.
ფოტო: AFP/Getty Images
შესაბამისად, როდესაც ობამამ ჩერჩილის ეს ბიუსტი აშშ-ში ბრიტანეთის ელჩის რეზიდენციას გადასცა, თეთრ სახლში ჩერჩილის ბიუსტი კვლავ იდგა, ბიუსტი, რომელიც 1946 წელს სკულპტორმა ჯეიკობ ეპსტაინმა შექმნა.
ფოტო: Getty Images
