საზოგადოებრივი მაუწყებლის გენერალური დირექტორის ასარჩევად კენჭისყრის მეორე ტური დაინიშნა. მეორე ტურში გენერალური დირექტორობისთვის თინათინ ბერძენიშვილი და ვასილ მაღლაფერიძე იბრძოლებენ. პირველივე ტურში გასამარჯვებლად მაუწყებლის სამეურვეო საბჭოს წევრების 5 ხმა იყო საჭირო, მაღლაფერიძემ 4, ხოლო ბერძენიშვილმა 2 ხმა მიიღო.
საზოგადოებრივი მაუწყებლის გენერალური დირექტორის შესარჩევი კონკურსის პირველ ეტაპზე 14 კანდიდატი მონაწილეობდა, მეორე ეტაპზე კი, სამეურვეო საბჭოს წევრების გადაწყვეტილებით, მხოლოდ 5 მათგანი გადავიდა: თინათინ ბერძენიშვილი, ზაალ ანჯაფარიძე, ვასილ მაღლაფერიძე, ნატია კუპრაშვილი და ნინო ზაუტაშვილი.