საფრანგეთის პრეზიდენტობის კანდიდატმა მარინ ლე პენმა განაცხადა, რომ მისი არჩევის შემთხვევაში უცხო ქვეყნის მოქალაქეებისთვის სკოლები უფასო აღარ იქნება.
"უცხო ქვეყნის მოქალაქეების საწინააღმდეგო არაფერი მაქვს, მაგრამ ერთს გეტყვით: თუ თქვენ ჩამოდიხართ ჩვენს ქვეყანაში, არ ელოდოთ, რომ ჩვენ თქვენზე ვიზრუნებთ, ან თქვენს შვილებს მივცემთ უფასო განათლებას. თამაშის დრო აღარ არის", - თქვა ლე პენმა.
ულტრამემარჯვენე "ეროვნული ფრონტის" ლიდერი, სავარაუდოდ, ერთ-ერთი იქნება პრეზიდენტობის იმ ორი კანდიდატიდან, რომელიც მაისში საპრეზიდენტო არჩევნების მეორე ტურში გავა.