აშშ-ის ვირჯინიის შტატის სკოლებში, ჰარპერ ლის "ნუ მოკლავ ჯაფარას" და მარკ ტვენის "ჰეკლბერი ფინის თავგადასავალი" აკრძალეს.
აკრძალვის მიზეზი ერთ-ერთი სკოლის მოსწავლის მშობლის საჩივარი გახდა. მშობლის აზრით, აღნიშნული წიგნები სავსეა რასისტული გამონათქვამებით.
წიგნები აკომაკის საგრაფოს სკოლების კლასებიდან და ბიბლიოთეკებიდან უკვე გაიტანეს. აკომაკის საგრაფოს სკოლებში 5000 მოსწავლე სწავლობს. მათი 37 % კი შავკანიანია.
წიგნები პროგრამიდან ჯერჯერობით დროებით არის ამოღებული, რადგან მის სამუდამოდ აკრძალვაზე სპეციალურმა კომისიამ უნდა იმსჯელოს.
აშშ-ის ბიბლიოთეკების ასოციაციამ წიგნების აკრძალვა ცენზურად შეაფასა.