ძალიან საქმიანი, ჯანსაღი და გულახდილი დისკუსია იყო პოლიტსაბჭოს სხდომაზე. ეს არის ის, რითაც ენმ ყოველთვის გამოირჩეოდა, ნორმალური, ჯანსაღი შიდა დისკუსიის უნარით და იმ უნარით, რომ შიდა დისკუსიის მერე, პარტია დარჩეს ერთიანი და პარტია გამოვიდეს გაძლიერებული ნებისმიერი კამათიდან. დღევანდელი დისკუსიაც ასე წარიმართა - საქმიანად, მშვიდად, კონსტრუქციულად და მიღებული იქნა გადაწყვეტილება, რომ პარტიის ყრილობა გაიმართება იანვრის მეორე ნახევარში, სავარაუდოდ, 20 იანვარს. ეს იქნება მრავალრიცხოვანი ყრილობა, დაახლოებით, 7 000 დელეგატის შემადგენლობით. დანარჩენ დეტალებს, სამოქმედო გეგმას, ყრილობის დღის წესრიგს და სხვა საკითხებს უახლოეს დღეებში სამუშაო წესით გავივლით და ვაცნობებთ საზოგადოებას. მინდა ხაზგასმით აღვნიშნო, რომ მიუხედავად შიდა კამათისა და აზრთა სხვადასხვაობისა, გადაწყვეტილებას, რომელიც მიიღო პოლიტსაბჭომ, პოლიტსაბჭოს ყველა წევრი პატივს სცემს და ეს იქნება გადაწყვეტილება, რომელსაც შეასრულებს პოლიტსაბჭოს ყველა წევრი და რომელსაც შეასრულებს მთლიანად პარტია.
ერთიანი ნაციონალური მოძრაობა
ბაქრაძე: ენმ ყოველთვის გამოირჩეოდა, ნორმალური, ჯანსაღი შიდა დისკუსიის უნარით
tbl.ge/21pr
დაკოპირდა
საპარლამენტო უმცირესობის ლიდერი დავით ბაქრაძე ენმ-ის ყრილობის შესახებ პარტიის პოლიტსაბჭოს გადაწყვეტილებაზე.
ამავე თემაზე
- ცისკარიშვილი: არჩევნები ვერ იქნება დემოკრატიული, თუ სააკაშვილი არ იქნება კამპანიაში ჩართული
- სააკაშვილის გათავისუფლების მოთხოვნით წალენჯიხიდან პრეზიდენტის სასახლემდე მსვლელობა დაიწყო
- ბეჟაშვილი: გამარჯვების კოალიციამ შესთავაზა სააკაშვილს პრემიერმინისტრობის კანდიდატობა
- ენმ CPT–ს ანგარიშზე: სააკაშვილი ვივამედში ღირსებისთვის შემლახავი მოპყრობის მსხვერპლია
- ენმ-მ კახა კალაძე კორუფციაში დაადანაშაულა და მის წინააღმდეგ პროკურატურაში სარჩელი შეიტანა