ბოკუჩავა: დაგინების და დაფიცების ნაცვლად, გამოაქვეყნეთ კრიმინალის სტატისტიკა

შინაგან საქმეთა მინისტრმა სტატისტიკის გამოქვეყნებასთან დაკავშირებით ოთო კახიძის კითხვაზე პასუხად მოიტყუა. შემდეგ კი რიტორიკული კითხვა დაგვისვა - დავიგინო თუ დავიფიცო, რომ კრიმინალი არ გაზრდილაო. ბატონო გიორგი ჩვენ არც თქვენი დაფიცება გვინდა, არც თქვენი დაგინება, ჩვენ გვინდა, რომ გამოაქვეყნოთ ინფორმაცია კრიმინალთან დაკავშირებით, როგორც ეს ხდება ნორმალურ დემოკრატიულ განვითარებულ ქვეყნებში. მე გავეცანი თქვენს ბიოგრაფიას, სადაც აღნიშნულია, რომ 1999 წლიდან 2004 წლამდე იყავით შსს-ს საგამოძიებო დეპარტამენტის გამომძიბელი და მივხვდი, რომ დაგინება, დაფიცება და სხვა შევარდნაძისეული მეთოდები თქვენთვის ალბათ უფრო ნაცნობი და მშობლიურია.