სამართალდამცველებმა ნარკოდანაშაულისთვის ორი პირი - 1995 წელს დაბადებული ნ.ს. და 1995 წელს დაბადებული ა.კ. დააკავეს.
შსს-ს ცნობით, დაკავებულების პირადი ჩხრეკისას, 24,8018 გრამი ახალი ფსიქოაქტიური ნივთიერება და 10 აბი "ენ-დე-მა" ამოიღეს.
"ასევე, ამოღებულია სარეალიზაციოდ გამზადებული 2,3903 გრამი ახალი ფსიქოტროპული ნივთიერება", - აღნიშნავს უწყება.
გამოძიება ჯგუფის მიერ დიდი ოდენობით ახალი ფსიქოაქტიური ნივთიერების უკანონო შეძენა-შენახვის და გასაღების მცდელობის ფაქტზე მიმდინარეობს (საქართველოს სსკ-ის 19-260-ე მუხლის მე-5 ნაწილის „ა" ქვეპუნქტით და 260-ე მუხლის მე-3 ნაწილის „ა" ქვეპუნქტით).
