თურქეთის ქალაქ იზმირში ფეთულა გიულენის ძმისშვილი და რძალი დააკავეს. დაკავებულებს ფეთულა გიულენის ორგანიზაციასთან თანამშრომლობა ედებათ ბრალად.
აშშ-ში მცხოვრებ ფეთულა გიულენს თურქეთის ხელისუფლება 16 ივლისის სახელმწიფო გადატრიალების მცდელობის ორგანიზებაში სდებს ბრალს და აშშ-ს მის ექსტრადირებას სთხოვს.
აღსანიშნავია, რომ 3 კვირის წინ სამართალდამცველებმა გიულენის ძმა და რამდენიმე ახლო ნათესავიც დააკავეს.
სამხედრო გადატრიალებასთან კავშირის ბრალდებით თურქეთის ხელისუფლებამ 72 000-ზე მეტი ადამიანი დააკავა, 34 000-ზე მეტს კი პატიმრობა მიუსაჯა.
