სამშენებლო ტერიტორიაზე კიდევ ერთი მამაკაცი დაიღუპა. შემთხვევა ხიზანიშვილის ქუჩაზე მოხდა. როგორც შინაგან საქმეთა სამინისტროში ტაბულას უთხრეს, პირველადი ინფორმაციით, მამაკაცი მშენებლობაზე მუშაობდა.
უწყებისვე ცნობით, გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
შეგახსენებთ, რომ გუშინ პოლიტკოვსკაიას ქუჩაზე მშენებარე კორპუსიდან მუშა გადმოვარდა, რომელიც საავადმყოფოში გარდაიცვალა.
