8 ოქტომბრის არჩევნების შემდეგ პირველად იკრიბება მთავრობა და ძალიან მნიშვნელოვანია აღინიშნოს, რომ 8 ოქტომბერს ჩატარდა საქართველოს უახლეს ისტორიაში უპრეცედენტოდ თავისუფალი და გამჭვირვალე საპარლამენტო არჩევნები და მინდა, ყველა თქვენგანს მივულოცო ეს ფაქტი. მინდა მადლობა გადავუხადო საზოგადოებას, საზოგადოების თითოეულ წევრს, ვინაიდან ეს არის ძალიან მნიშვნელოვანი საქართველოს განვითარებისთვის. თითოეულმა დამკვირვებელმა, საერთაშორისო ორგანიზაციამ აღნიშნა ეს ფაქტი. მინდა ვისარგებლო შემთხვევით და მადლობა გადავუხადო ჩვენს პარტნიორებს, სადამკვირვებლო ორგანიზაციებს, საერთაშორისო ორგანიზაციებს, სამოქალაქო საზოგადოებას. ეს ძალიან მნიშვნელოვანი არჩევნები იყო, რომელიც განაპირობებს საქართველოს მომავალი განვითარების დღის წესრიგს და ეს იყო კიდევ ერთი დადასტურება საქართველოში მიმდინარე შეუქცევადი დემოკრატიული განვითარების პროცესის. ამიტომ, მინდა, ყველა თქვენგანს მოვულოცო ეს ძალიან მნიშვნელოვანი გამარჯვება ქვეყნის. ასევე მინდა გამოვხატო ჩემი პატივისცემა თითოეული მოქალაქის არჩევანის მიმართ. მინდა, განსაკუთრებული მადლობა გადავუხადო იმ ამომრჩეველს, რომელმაც ჩვენ გამოგვიცხადა დიდი ნდობა.
არჩევნები 2016
პრემიერი: უპრეცედენტოდ თავისუფალი და გამჭვირვალე არჩევნები ჩატარდა
