აშშ და რუსეთი სირიაში ცეცხლის შეწყვეტის რეჟიმის განახლებაზე ვერ შეთანხმდნენ.
სამშვიდობო ზავის შესახებ მოლაპარაკებები ნიუ-იორკში, გაეროს გენერალური ასამბლეის ფარგლებში, სირიის მხარდამჭერი საერთაშორისო ჯგუფის შეხვედრაზე განიხილებოდა.
აშშ-ის სახელმწიფო მდივანის ჯონ კერის განცხადებით, აღნიშნულ საკითხზე მოლაპარაკებები 23 სექტემბერს განახლდება. კერის თქმით, ოფიციალური ვაშინგტონის ინტერესებში მხოლოდ სამშვიდობო ზავი არ შედის, აშშ-ს ასევე სურს, რომ რუსეთმა მის მიერ მხარდაჭერილ სირიის მთავრობას საჰაერო თავდასხმების შეჩერებისკენ მოუწოდოს.
მოლაპარაკებების წარუმატებლად დასრულების შემდეგ, სირიის სამხედრო ძალებმა ქალაქ ალეპოზე იერიში მიიტანეს, თავდასხმას სულ მცირე 13 ადამიანი ემსხვერპლა.
