ბოკუჩავა: ვეჭვობ, ხელისუფლება ყველაფერს გააკეთებს საკონსტიტუციოს დასამორჩილებლად

ბოლო რამდენიმე თვის განმავლობაში მიმდინარეობს ღია ზეწოლა საკონსტიტუციო სასამართლოზე, იქნება ეს კანონის თუ შანტაჟის მეშვეობით, ყველა არადემოკრატიული უპრეცედენტო მეთოდების გამოყენებით იმიტომ, რომ ბიძინა ივანიშვილს არ უნდა, საკონსტიტუციო სასამართლომ შეძლოს საკონსტიტუციო მართლმსაჯულების აღსრულება და დამოუკიდებელი, მიუკერძოებელი გადაწყვეტილებები მიიღოს ისეთ მნიშვნელოვან საქმეებზე, როგორებიცაა რუსთავი 2-ის, ე.წ. კაბელებისა და უგულავას საქმე. თავმჯდომარის შერჩევა როგორ მოხდება, მე ამაზე წინასწარ განცხადებას ვერ გავაკეთებ, თუმცა ეჭვი მაქვს, ხელისუფლება ყველაფერს გააკეთებს იმისთვის, რომ საბოლოოდ დაიმორჩილოს საკონსტიტუციო სასამართლო.