კობახიძე: სატელევიზიო სივრცეში ბილწსიტყვაობა და სიძულვილის ენა აღიკვეთება

ჩვენი ერთ-ერთი ამოცანა არის ჩვენი პოლიტიკური კულტურისა და სამოქალაქო კულტურის განვითარება. დღეს ის, რაც ხდება ჩვენთან ნატა ფერაძისა და ალეკო ელისაშვილის სახით, არის ერთ-ერთი მკაფიო გამოხატულება იმისა, რომ ჩვენ ვართ პოლიტიკური და სამოქალაქო კულტურის განვითარების ძალიან დაბალ დონეზე, თუმცა ვითარება მალე შეიცვლება და ძალიან მალე აღიკვეთება ჩვენს სატელევიზიო სივრცეში ბილწისტყვაობა და სიძულვილის ენა, რომლის განმასახიერებლები არიან, მათ შორის, ნატა ფერაძე და ალეკო ელისაშვილი. ეს ძალიან მალე მოხდება. ჩვენ, ბუნებრივია, არანაირ რეპრესიულ ფორმებზე არ ვსაუბრობთ. პოლიტიკური და სამოქალაქო კულტურა განვითარდება იმ დონეზე, რომ აღარავის გაუჩნდება სურვილი, ბილწისტყვაობა და სიძულვილის ენა ასეთი მასშტაბით წარმოაჩინონ სატელევიზიო სივრცეში.