საბურთალოსა და ნაძალადევის რაიონების ნაწილს დღეს ელექტროენერგიის მიწოდება დროებით შეუწყდება. ინფორმაციას კომპანია თელასი ავრცელებს.
საბურთალოს რაიონი
ქსელზე ახალი აბონენტების მიერთების გამო 11 საათიდან 13 საათამდე შეზღუდვა შეეხება: გაგარინის ქუჩის მაცხოვრებლებს (95 აბონენტს).
ნაძალადევის რაიონი
ქსელზე ახალი აბონენტების მიერთების გამო 11 საათიდან 18 საათამდე შეზღუდვა შეეხება: გურამიშვილის გამზირის, არალეთის, კვერნაულის, იფნევის, ზვარეთის, დვირის, ჟველაურის და ედისის ქუჩების მაცხოვრებლებს (681 აბონენტს).
კომპანია თელასი ბოდიშს უხდის მომხმარებლებს შექმნილი დისკომფორტის გამო.
