ბელგიური მედიის ცნობით, ბრიუსელის რაიონში, მოლენბეკის ქუჩებში პოლიცია რეიდს ატარებს. სამართალდამცველები კომენტარის გაკეთებისგან თავს იკავებებენ. ბელგიური მედიის ინფორმაციით, სავარაუდოდ, პარიზის ტერაქტში ეჭვმიტანილების დაკავების ოპერაცია მიმდინარეობს.
ვრცელდება ინფორმაცია, რომ მოლენბეკის რაიონში სროლისა და აფეთქების ხმაც გაისმა, მაგრამ ეს ცნობა დადასტურებული არ არის.
აღსანიშნავია, რომ პარიზის ტერაქტების სავარაუდო ორგანიზატორი, 27 წლის აბდელჰამიდ აბაუდი სწორედ ბრიუსელის რაიონის, მოლენბეკის მკვიდრია. ის „ისლამური სახელმწიფოს" მებრძოლების რიგებს სირიაში შეუერთდა. სამართალდამცავი ორგანოების ცნობით, აბაუდი ტერორისტულ ჯგუფს ხელმძღვანელობდა და მათი საიდუმლო ლიდერი იყო. იგი აქტიურად მონაწილეობდა 13 ნოემბრის თავდასხმების დაგეგმვასა და ორგანიზებაში.