ერთიანი ნაციონალური მოძრაობის მიერ მომზადებულ განცხადებას მედიის მიმართ განხორციელებული ზეწოლის ფაქტების შეწყვეტასთან დაკავშირებით განათლების კომიტეტმა მხარი არ დაუჭირა.
დოკუმენტი კომიტეტის სხდომაზე საპარლამენტო უმცირესობის წევრმა, გიორგი გაბაშვილმა წარადგინა. დეპუტატმა რუსთავი 2-ში მიმდენარე მოვლენებზე, ასევე საზოგადოებრივ მაუწყებელსა და ტელეკომპანია იმედის საზოგადოებრივ-პოლიტიკური თოქ-შოუების დახურვაზე ისაუბრა. უმცირესობის მოთხოვნას დეპუტატებს შორის შელაპარაკება მოჰყვა.
პარლამენტში განხილვა ამ დრომდე მიმდინარეობს და კომიტეტის პოზიცია კენჭისყრის შემდეგ გახდება ცნობილი.
1 ოქტომბერს საქალაქო სასამართლომ რუსთავი 2-ის 51%-იანი წილის მფლობელი ტელეკომპანია საქართველო დააყადაღა. 5 აგვისტოს კი სრულად დააყადაღეს რუსთავი 2-ის ქონება. ბიზნესმენმა ქიბარ ხალვაშმა წილის დასაბრუნებლად სასამართლოში სარჩელი 4 აგვისტოს შეიტანა და სარჩელის უზრუნველყოფის მიზნით, რუსთავი 2-ის პარტნიორთა წილების დაყადაღება მოითხოვა.