ჩაფიძე: არის ცალკეული შემთხვევები. სტატისტიკურად კი, კრიმინალი არ გაზრდილა

რაც შეეხება დღეს არსებულ მდგომარეობას, დიახ, ნამდვილად არის ცალკეული შემთხვევები, თუმცა, სტატისტიკური თვალსაზრისით კრიმონოგენური მდგომარეობა არ არის დამძიმებული. ახლა ამის საუბარი, რა თქმა უნდა, იმ მოვლენების ფონზე, რაც ვითარდება, ძალიან რთულია, მაგრამ ისეთი დაცული ქვეყანაც კი, სამართლებრივი თვალსაზრისით და ეკონომიკური კეთილდღეობით, როგორიც გახლავთ ნორვეგია, ან გერმანია, არ გახლავთ დაცული იმისგან, რომ ცალკეულ ადამიანებს ექმნებათ რაღაც გარკვეული ფსიქიოლოგიური პრობლემები, ჩამოყალიბდებიან დამნაშავეებად და ა.შ. ეს დამახასიათებელია ყველა საზოგადოებისთვის. მე შემიძლია შეგახსენოთ ის ტრაგედია, რომელიც რამდენიმე კვირის წინ გერმანიაში განვითარდა, მე შემიძლია შეგახსენოთ ასევე ანდრეს ბრეივიკის შემთხვევა, რომელმაც აბსოლუტურად დღისით, მზისით და ძალიან დაცული სახელმწიფოს ფონზე მოახერხა იარაღის შოვნა და ტერორისტული აქტების მოწყობა. კრიმინალი და ტერორიზმი არ არის მხოლოდ ქართული მოვლენა.