უკრაინის პრეზიდენტმა პეტრო პოროშენკომ უმაღლეს რადას წინადადებით მიმართა, მრავალეროვანი სამხედრო წვრთნების ჩასატარებლად 2015 წელს უკრაინის ტერიტორიაზე უცხო ქვეყნის სამხედროების შესვლა დაუშვას.
უკრაინა 25 დღის განმავლობაში უკრაინულ-ამერიკულ წვრთნებს Sea Breeze 2015-ს უმასპინძლებს. წვრთნებში მონაწილეობას 2 500-ამდე მოხელე, 9 გემი, 8 ვერტმფრენი, თვითმფრინავი და 50 უკრაინული სამხედრო მანქანა მიიღებს.
უკრაინაში დაპირისპირება კი გრძელდება. მინსკის შეთანხმების მიუხედავად, პრორუსი სეპარატისტები ბრძოლას განაგრძობენ. ცეცხლის შეწყვეტის შესახებ მიღებული გადაწყვეტილების შემდეგ 64 ადამიანი დაიღუპა.