სულ მცირე 22 ადამიანი დაიღუპა და 20 დაშავდა ეგვიპტის დედაქალაქში, სტადიონზე მომხდარი არეულობის შედეგად. ერთ-ერთი ადგილობრივი კლუბის გულშემატკივრებმა სტადიონზე უბილეთოდ შესვლა სცადეს, რასაც პოლიციასთან შეტაკება მოჰყვა. სამართალდამცველებმა ცრემლსადენი გაზი გამოიყენეს, თვითმხილველების თქმით, სტადიონის შესასვლელში ბევრი ადამიანი ჭყლეტაში მოჰყვა, რამაც მსხვერპლი გამოიწვია. პოლიციამ კლუბის ხელმძღვანელობა დააკავა.
სამი წლის წინ პორტ-საიდში ანალოგიური ინციდენტის შედეგად 70 გულშემატკივარი დაიღუპა. მაშინ პოლიციამ სტადიონზე გულშემატკივრების რაოდენობა შეზღუდა. ეს შეზღუდვა რამდენიმე კვირის წინ გაუქმდა.
