მე გარკვეულწილად მივიღე ალექსი პეტრიაშვილის შემოთავაზება - ამის შესახებ საქართველოს პარლამენტის თავმჯდომარემ დავით უსუფაშვილმა განაცხადა.
უსუფაშვილის თქმით, ის მზადაა ქართულ პოლიტიკურ სივრცეში თამაშის წესებით გააგრძელონ პოლიტიკური ბრძოლა და კონკურენცია.
"მე გარკვეულწილად შემოთავაზება მივიღე ალექსი პეტრიაშვილის იმის თაობაზე, რომ ქართულ პოლიტიკურ სივრცეში თამაშის წესებით გავაგრძელოთ პოლიტიკური ბრძოლა და კონკურენცია. ძალიან კარგია. ჩვენ ორივე ლიბერალურ პარტიას წარმოვადგენთ და რაც მეტი ლიბერალი იქნება პოლიტიკური ბრძოლის ველზე, ეს მხოლოდ უკეთესია. თავისუფალი დემოკრატები არ გეგმავენ ოპონირებას ოპონირებისთვის და არც ხელისუფლებაში მყოფი ძალები ვართ იმისთვის, რომ დავტკბეთ ხელისუფლებით", - განაცხადა უსუფაშვილმა.
შეგახსენებთ, რომ თავისუფალი დემოკრატების თავმჯდომარედ საქართველოს თავდაცვის ყოფილი მინისტრი ირაკლი ალასანია აირჩიეს.
ირაკლი ალასანია პარტიის თავმჯდომარეობის ერთადერთი კანდიდატი იყო. მისი კანდიდატურა ერთხმად, 2038 ხმით დამტკიცდა.
