სერგეი ლავროვი მოლდოვას დნესტრისპირეთის აღიარებით დაემუქრა. რუსეთის საგარეო საქმეთა მინისტრის განცხადებით, იმ შემთხვევაში, თუ ქვეყანა ნეიტრალურ სტატუსს შეიცვლის, ან რუმინეთს შეუერთდება, დნესტრისპირეთს საკუთარი მომავლის შესახებ გადაწყვეტილების დამოუკიდებლად მიღების სრული უფლება ექნება.
საგარეო პოლიტიკის შესახებ საჯარო ლექციაზე ლავროვმა ასევე აღნიშნა, რომ უკრაინის გარშემო კრიზისი და რუსეთსა და შეერთებულ შტატებს შორის უთანხმოება, მისი აზრით, დიდხანს გაგრძელდება.