ტრამპს ესმის რუსეთის პოზიცია NATO-სთან მიმართებით – ლავროვმა აშშ-სთან შეხვედრა შეაფასა

საგარეო საქმეთა მინისტრი სერგეი ლავროვი რუსეთის დუმის წინაშე სამთავრობო საათის ფარგლებში წარსდგა. 

ლავროვმა რუსეთის პარლამენტში აშშ-სთან დაწყებული მოლაპარაკებების შესახებ ილაპარაკა.

სერგეი ლავრობის მთავარი გზავნილები აშშ-სა და რუსეთის შეხვედრის შესახებ:

• რუბიომ რუსეთთან მოლაპარაკებებისას ხაზგასმით აღნიშნა, რომ ტრამპის გუნდი ემყარება სახელმწიფოების ეროვნული ინტერესების აღიარებას;
• რუსეთისა და აშშ-ს ინტერესები ერთმანეთს არასდროს დაემთხვევა ბოლომდე, მაგრამ დამთხვევის შემთხვევაში ორივე მხარემ უნდა ნახოს მოგება;
• აშშ-მ რუსეთთან მოლაპარაკებისას აღნიშნა, რომ სახელმწიფოთა შორის განსხვავებულმა ინტერესებმა არ უნდა გამოიწვიოს კონფრონტაცია;
• ყველა მიმართულებით იწყება რუსეთისა და აშშ-ს ურთიერთობების ნორმალიზება;
• რუსეთმა და აშშ-მ უნდა "გადაქექოს" ბაიდენის ადმინისტრაციის მემკვიდრეობა;
• ტრამპს ესმის რუსეთის პოზიცია NATO-სთან მიმართებით;
• რუსეთი აშშ-სთან სამომავლო შეხვედრების მომხრეა, რათა მხარეებმა უფრო მეტად მოუსმინონ ერთმანეთს;