საზოგადოებრივი მაუწყებლის ინფორმაციით, კოალიცია ქართული ოცნებისა და ერთიანი ნაციონალური მოძრაობის თბილისის მერობის კანდიდატებს დავით ნარმანიასა და ნიკა მელიას შორის დებატები ხვალ, 20:00-ზე, შერატონ მეტეხი პალასში გაიმართება.
გადაცემის სიგნალს ყველა ნაციონალური მაუწყებელი მიიღებს. ამასთან, მედიასაშუალებებს საშუალება ექნებათ, დავით ნარმანიასა და ნიკა მელიას შეკითხვები დაუსვან.
ქართული ოცნების პრესსამსახურის უფროსის გიორგი გეგჭკორის თქმით, მათი კანდიდატი ასეთი დებატებისთვის მზად არის.
"ჩვენ, ჩვენის მხრივ, პრინციპული თანხმობა გვაქვს გაცხადებული ასეთი ტიპის დებატებისთვის და დარწმუნებული ვარ, ჩვენი ოპონენტებიც არსებულ თანხმობას არ გადათქვამენ", - აღნიშნა გეგეჭკორმა.
