თბილისის საქალაქო სასამართლოს მოსამართლე გიორგი გოგინაშვილმა თბილისის ყოფილ მერს გიგი უგულავას აღმკვეთ ღონისძიებად პატიმრობა შეუფარდა. ამის შესახებ სასამართლო პროცესიდან ტაბულას კორესპონდენტი იუწყება.
ნაციონალური მოძრაობის საარჩევნო შტაბის უფროსი გიგი უგულავა 3 ივლისს თბილისის საერთაშორისო აეროპორტში დააკავეს. მას ბრალად უკანონო შემოსავლების ლეგალიზაცია და ადგილობრივი თვითმმართველობის არჩევნებზე იძულებისა და ჯგუფური ძალადობის ორგანიზება ედება.
