სახალხო დამცველი ადმინისტრაციულ საზღვარზე დაკავებებისა და პატიმართა მდგომარეობის შესახებ ნარკვევს აქვეყნებს
საქართველოს სახალხო დამცველი აფხაზეთისა და სამხრეთ ოსეთის გამყოფ ხაზთან მუდმივი დაკავებებისა და დაპატიმრებული პირების შესახებ სპეციალურ ნარკვევს აქვეყნებს. სახალხო დამცველის ინფორმაციით, 2014 წლის 31 მაისის მდგომარეობით ე.წ. სამხრეთ ოსეთის გამყოფ ხაზზე საქართველოს მოქალაქე 70 პირი იყო დაკავებული, აფხაზეთის გამყოფ ხაზზე კი 107. ცხინვალის ციხეში 3 ქართველი პატიმარი რჩება, საქართველოს ციხეში გამყოფი ხაზის ორივე მხარის მცხოვრები 11 პატიმარი იხდის სასჯელს.
უჩა ნანუაშვილი პატიმრების საკითხის გადაჭრის პარალელურად, მხარეებს გამყოფ ხაზთან დაკავებების აღმოსაფხვრელად რეკომენდაციებით მიმართავს.
