ცენტრალურმა საარჩევნო კომისიამ თბილისში მერის არჩევნების შედეგების დათვლა დაასრულა. ცესკო-ს მონაცემებით, თბილისის საარჩევნო უბნების შედეგები 100%-ით არის დათვლილი. დედაქალაქში სულ 729 საარჩევნო უბანი იყო გახსნილი.
მმართველი ძალის მერობის კანდიდატმა დავით ნარმანიამ არჩევნებში მონაწილეთა ხმების 46.13% მიიღო, ერთიანი ნაციონალური მოძრაობის კანდიდატმა ნიკა მელიამ კი, 27.91%. სწორედ ეს ორი კანდიდატი დაუპირისპირდება ერთმანეთს არჩევნების მეორე ტურში.
თბილისში არჩევნებში მონაწილეობა ამომრჩეველთა 37.3%-მა მიიღო.
ამასთან, თბილისის 25 მაჟორიტარული ოლქიდან, საკრებულოში 24 მანდატი ქართული ოცნების კანდიდატებმა მიიღეს, ხოლო ერთი - დამოუკიდებელმა კანდიდატმა ალექსანდრე ელისაშვილმა.
