მანჩესტერ იუნაიტედის ახალი მთავარი მწვრთნელი ლუის ვან გაალი იქნება. ჰოლანდიელი პოსტზე დევიდ მოიესს შეცვლის.
ვან გაალი იუნაიტედში 2014-15 სეზონში იმუშავებს, იქამდე კი მსოფლიოს ჩემპიონატზე ჰოლანდიის ნაკრებს უთავკაცებს.
მთავარი მწვრთნელის ასისტენტი იქნება იუნაიტედის ყოფილი ფეხბურთელი, უელსელი რაიან გიგზი.
შეგახსენებთ, რომ უკვე დასრულებულ სეზონში, მანჩესტერ იუნაიტედმა პრემიერლიგაში მე-7 ადგილი დაიკავა და ევროტურნირებზე თამაშის უფლება ვერ მოიპოვა.
