ანტიდისკრიმინაციული კანონპროექტის საბოლოო რედაქციაზე პარლამენტის აპარატი ამ წუთებში მუშაობს, - ამბობს მთავრობის საპარლამენტო მდივანი შალვა თადუმაძე.
„კომიტეტის გუშინდელი სხდომის შემდეგ კანონპროექტზე მუშაობა დილის ხუთის ნახევარზე დავამთავრე. პროექტში ის შენიშვნებია ასახული, რომელიც გავითვალისწინეთ“, - აღნიშნავს თადუმაძე.
შალვა თადუმაძის თქმით, მთავრობა თანახმაა, რომ კანონპროექტიდან პრობლემური საკითხი - სფეროების ჩამონათვალი ამოიღოს. გარდა ამისა, როგორც იგი აღნიშნავს, კანონპროექტში რამდენიმე საკითხი დაზუსტდება, რათა ორმაგი წაკითხვის საშუალება არ იყოს.
შალვა თადუმაძის თქმით, ანტიდისკრიმინაციულ კანონპროექტს პარლამენტი ხვალ რიგგარეშე სხდომაზე მეორე მოსმენით განიხილავს.
