წერეთლის გამზირზე ახალგაზრდა მამაკაცი მოკლეს. წინასწარი ინფორმაციით, გარდაცვლილს ცივი იარაღით 8 ჭრილობა აქვს მიყენებული.
შემთხვევა პოლიციის შენობასთან ახლოს მოხდა. სასიკვდილოდ დაჭრილმა მამაკაცმა ტაქსის გაჩერება მოახერხა, თუმცა ის მალევე გარდაიცვალა.
ადგილზე მთელი ღამის განმავლობაში მუშაობდნენ საპატრულო პოლიციის ეკიპაჟები და ექსპერტ-კრიმინალისტები.
ახალგაზრდა მამაკაცის ცხედარი პროზექტურაშია გადასვენებული. საქმე განზრახ მკვლელობის მუხლით არის აღძრული.
