საფრანგეთის პრეზიდენტი ფრანსუა ოლანდი მხარს უჭერს უკრაინის ხელისუფლების წარმომადგენლებისთვის პერსონალური სანქციების დაკისრებას და მოითხოვს, სამართალდამცველებმა დაუყოვნებლივ შეწყვიტონ ძალადობა.
საფრანგეთის სახელმწიფო კანცელარიამ განცხადება გაავრცელა, სადაც საუბარია იმაზე, რომ ქვეყნის პრეზიდენტი ფრანსუა ოლანდი უკრაინის მთავრობისთვის სანქციების დაკისრების მომხრეა.
ეს გადაწყვეტილებმა ოლანდმა პოლონეთის პრემიერმინისტრ დონალდ ტუსკთან საუბრის შემდეგ მიიღო. ტუსკი უახლოეს მომავალში გერმანიის კანცლერ ანგელა მერკელთან, ევროპული საბჭოს პრეზიდენტ ჰერმან ვან რომპუისთან შეხვედრასა და უკრაინის წინააღმდეგ ევროკავშირის სანქციების დაკისრებაზე საუბარს აპირებს.