სამხედრო პოლიციის ყოფილი უფროსი, ძებნაში მყოფი მეგის ქარდავა საქალაქო სასამართლოს გადაწყვეტილებით, სერგო თეთრაძის წამების ეპიზოდში გამართლდა.
თეთრაძის საქმეში რამდენიმე ეპიზოდია. მათ შორის, თეთრაძის წამების, ასევე ჩიკვატიასა და ლონდარიძის წამების ეპიზოდები.
საქალაქო სასამართლოს განაჩენით, ჩიკვატიასა და ლონდარიძის ეპიზოდებზე მეგის ქარდავა გამტყუნდა და მას 9 წლით თავისუფლების აღკვეთა მიესაჯა.
პოლკოვნიკი სერგო თეთრაძე, ჯაშუშობის ბრალდებით, 2011 წლის 19 სექტემბერს დააკავეს, 25 სექტემბერს ის გლდანის ციხეში გარდაიცვალა.
