ინვესტორებს 16 მილიონ დოლარსა და 6.5 მილიონ ლარზე მეტის პირგასამტეხლო ეპატიათ. ამის შესახებ საქართველოს ეკონომიკის მინისტრმა გიორგი კვირიკაშვილმა განაცხადა.
კვირიკაშვილის თქმით, სპეციალურმა კომიასიამ 50-ზე მეტ საინვესტიციო პროექტთან დაკავშირებული საკითხი განიხილა, რის შედეგადაც, 360 მილიონ დოლარზე მეტის საინვესტიციო პროექტი განახლდა.
მისივე თქმით, 2013 წლის გაზაფხულზე აღურიცხავი სახელმწიფო ქონების ინვენტარიზაცია დაიწყო. "თბილისის მასშტაბით უკვე აღწერილ 9 უბანში აღმოჩენილია სახელმწიფო საკუთრებად დასარეგისტრირებელი 600-ზე მეტი ობიექტი, რაც 5 მილიონამდე კვადრატული მეტრი მიწის ნაკვეთია", - აღნიშნა გიორგი კვირიკაშვილმა.