თბილისის მერიის ინფორმაციით, ნაძალადევის რაიონის გამგებლად იმერეთის ყოფილი გუბერნატორი ვახტანგ ბალავაძე დაინიშნა. შესაბამის ბრძანებას ხელი თბილისის მერმა უკვე მოაწერა. აღნიშნული თანამდებობა ვაკანტური იყო.
ვახტანგ ბალავაძე 1978 წელს, თბილისში დაიბადა. 2012 წლის 17 ოქტომბრიდან 2013 წლის 15 ნოემბრამდე იმერეთში სახელმწიფო რწმუნებულის თანამდებობაზე, ხოლო 2012 წელს ენერგეტიკასა და ბუნებრივი რესურსების მინისტრის პოსტზე მუშაობდა. ვახტანგ ბალავაძე 2004-2008 და 2008-2012 წლებში ორი მოწვევის საქართველოს პარლამენტის წევრი იყო.
