იუსტიციის მინისტრი თეა წულუკიანი დარწმუნებულია, რომ დღეს გიორგი მარგველაშვილი გაიმარჯვებს. ამის შესახებ, როგორც საინფორმაციო სააგენტო ინტერპრესნიუსი იტყობინება, თეა წულუკიანმა ჟურნალისტებს 23-ე საჯარო სკოლაში გახსნილ საარჩევნო უბანში ხმის მიცემის შემდეგ განუცხადა.
"მე ხმა მივეცი ქვეყნის წინსვლას, ქვეყნის შიგნით და ქვეყნის გარეთ ეროვნული უსაფრთხოების გამყარებას და შესაბამისად, ხმა მივეცი გიორგი მარგველაშვილს", - განაცხადა თეა წულუკიანმა:
"მჯერა, რომ აქტივობა იქნება მაღალი და ყველა მივიღებთ მონაწილეობას იმ ისტორიულ ფაქტში, რომელსაც ჰქვია წინამორბედი პრეზიდენტის მშვიდობიანი გზით, არჩევნების გზით შეცვლა, რაც არ მომხდარა საქართველოში დამოუკიდებლობის შემდეგ".
