ნიუ-იორკში მცხოვრები ფერმწერი რომან კრიხელი სულ მალე გასაყიდად გამოიტანს თავის ახალ ნამუშევარს - მსოფლიოს ყველაზე მშვენიერი ქალი. New York Post-ი იუწყება, რომ კრიხელის ახალი ტილოს შეძენის მსურველთა შორის არიან - Facebook-ის დამფუძნებელი მარკ ზაკერბერგი, YouTube-ის თანადამაარსებელი ჩად ჰარლი და საქართველოს პრემიერმინისტრი ბიძინა ივანიშვილი, "რომელიც მსოფლიოში ერთ-ერთი ყველაზე ძვირადღირებული არტკოლექციის მფლობელია".
გამოცემის ინფორმაციით, რომან კრიხელი ამ დრომდე არ ამხელს ტილოზე გამოხატული ქალბატონის ვინაობას. ფერმწერის ოფიციალურ ვებგვერდზე განთავსებული ტილოს გამოსახულება ბუნდოვანია.
New York Post-თან საუბარში, ხელოვნებათმცოდნე მალკოლმ ჰარისი აცხადებს, რომ კრიხელის ნამუშევარი შესაძლოა მილიონ დოლარად გაიყიდოს.