პრინც უილიამს და ქეით მიდლტონს ვაჟი შეეძინათ. ახალი ამბავი, რომელსაც მთელი ბრიტანეთი განსაკუთრებით მოუთმენლად ელოდა, სასახლის პრესსამსახურმა თითქმის 14 საათიანი ლოდინის შემდეგ გაახმოვანა. პარალელურად ლონდონის ყველაზე მაღალ შენობაზე გამოჩნდა წარწერა - It's a boy - ბიჭია. ბრიტანული მედიის ინფორმაციით, ბავშვი ჯანმრთელია და 3.8 კილოგრამს იწონის. ის წმინდა მერის სამშობიაროში დაიბადა - იქ, სადაც პრინცები - უილიამი და ჰარი დაიბადნენ. ბავშვის სახელი ჯერჯერობით უცნობია. სასახლის პრესსამსახურის განცხადებით, მსოფლიო ბავშვის სახელს უახლოეს მომავალში გაიგებს. ბრიტანული მედიის ცნობით, ამას შეიძლება ერთი კვირაც დასჭირდეს: პრინც უილიამის მშობლებმა - პრინცმა ჩარლზმა და პრინცესა დაიანამ - ზუსტად ერთ კვირაში გამოაცხადეს მისი სახელი. ახლადდაბადებული პრინცი სამეფო ტახტის რიგში მესამეა. ბრიტანული მედიის გამოთვლებით, კიდევ სულ მცირე 60 წლის განმავლობაში ის მეფე ვერ გახდება.
tbl.ge/jei
დაკოპირდა
ამავე თემაზე
- ბრიტანეთი სამხედრო გემებს ლაზერებით შეაიარაღებს, რომლებიც დრონებს ჩამოაგდებენ
- ინგლისის ბანკმა მეფე ჩარლზ III-ის გამოსახულებიანი ბანკნოტების პირველი ფოტოები გამოაქვეყნა
- დიდი ბრიტანეთის არმიაში წვერის ტარების აკრძალვა გააუქმეს
- 8 წლის გოგო, რომელმაც ლეიკემია დაამარცხა, ქეით მიდლტონს ამხნევებს და ბრძოლისკენ მოუწოდებს
- ინგლისში პოლიციამ სერიული მკვლელის, ჯეკ მფატრავის საქმის მასალები აღმოაჩინა