NDI-ის ივნისის თვის კვლევის მიხედვით, კოალიცია ქართული ოცნების საქმიანობას დადებითად ჯამში 45% აფასებს, უარყოფითად - 6%. მარტის თვეში ქართული ოცნების საქმიანობას დადებითად 10%-ით მეტი (55%) აფასებდა.
ერთიანი ნაციონალური მოძრაობის საქმიანობას ჯამში დადებითად აფასებს 9 %, ხოლო უარყოფითად - 39%.
პოლიციის საქმიანობას ჯამში დადებითად აფასებს 55%, ხოლო საქართველოს ჯარის საქმიანობას დადებითად აფასებს გამოკითხულთა 59%.
სასამართლოს საქმიანობას დადებითად აფასებს 18%, ხოლო უარყოფითად - 12%.
მთავარი პროკურატურის საქმიანობას დადებითად აფასებს 24%, ხოლო უარყოფითად - 6%.
პარლამენტის საქმიანობას დადებითად აფასებს 23%. მარტის თვეში იგივე მონაცემი 30% იყო.
სოფლის მეურნეობის სამინისტროს საქმიანობას დადებითად აფასებს 26%.
სახალხო დამცველის აპარატის საქმიანობას დადებითად ჯამში 17% აფასებს.
NDI-ის კვლევა 2013 წლის ივნისში ჩატარდა და მის ფარგლებში 2,338 რესპონდენტი მთელი საქართველოს მასშტაბით პირისპირ ინტერვიუს მეთოდით გამოიკითხა. NDI-ის კვლევებს აფინანსებს შვედეთის საერთაშორისო განვითარებისა და თანამშრომლობის სააგენტო (Sida) და ატარებს კავკასიის კვლევითი რესურსების ცენტრი CRRC.
