რადიო თავისუფლების რეპორტიორის გოგა აფციაურის მიერ გავრცელებული ინფორმაციით, დაახლოებით ერთი საათის წინ გორის რაიონის სოფელ წითელუბანში შეიარაღებულმა რუსმა ოკუპანტებმა დააკავეს ორი ადგილობრივი მცხოვრები - ზაზა ხიდაშელი და მალხაზ ედიშერაშვილი, რომლებიც ქართული მხარის მიერ კონტროლირებად ტერიტორიაზე საქონელს მწყემსავდნენ. აფციაურის ცნობით, მომხდარს ჰყავს თვითმხილველი ავთანდილ მახარაძე, რომელიც ამ დროს საკუთარ ბაღში მუშაობდა.
ტაბულა ინფორმაციის გადამოწმებას შსს-ში ცდილობს. დამატებით ინფორმაციას მისი მიღებისთანავე მოგაწვდით.
გასულ თვეში რუსმა ე.წ. მესაზღვრეებმა ოკუპირებული ტერიტორიის მახლობლად მამა-შვილი ხადურები დააკავეს. მანამდე, სოფელ დიცის მახლობლად მათ 24 წლის ადგილობრივი მცხოვრები აიყვანეს.