შინაგან საქმეთა სამინისტრომ, 17 მაისის ინციდენტთან დაკავშირებით, ბრალი კიდევ ორ პიროვნებას წაუყენა.
შსს-ს ცნობით, "17 მაისს, ვაჩნაძის ქუჩაზე მომხდარი ინციდენტის მონაწილე ორ პირს, 1991 წელს დაბადებულ ბექა ს-ს და 1982 წელს დაბადებულ ტიტალ დ-ს ბრალი წაუყენეს".
"ბრალდებულები დანაშაულს აღიარებენ. გამოძიება შეკრების ან მანიფესტაციის უფლების ხელყოფის, უკანონოდ და ძალადობით ხელის შეშლის ფაქტზე სსკ-ის 161–ე მუხლის 1-ლი ნაწილით მიმდინარეობს", - აღნიშნულია შსს-ს განცხადებაში.
უწყების ცნობით, 17 მაისის ინციდენტთან დაკავშირებით გამოძიება გრძელდება.