საქართველოს პრეზიდენტის, მიხეილ სააკაშვილის სამუშაო ვიზიტი ამერიკის შეერთებულ შტატებში დაიწყო. მიხეილ სააკაშვილი დალასში ჯორჯ ბუშის საპრეზიდენტო ცენტრის გახსნის ცერემონიალს დაესწრო.
აშშ-ის ყოფილმა პრეზიდენტმა სიტყვით გამოსვლის დროს აღნიშნა, რომ მისი პრეზიდენტობის ერთ-ერთი მთავარი მიღწევაა ის, რომ "პრეზიდენტ სააკაშვილის გვარის სწორად წარმოთქმა ისწავლა".
საქართველოს პრეზიდენტი ასევე შეხვდა NATO-ს გენერალურ მდივანს, ანდერს ფოგ რასმუსენს. ერთობლივ ვახშამზე, მათ საქართველოს NATO-ში ინტეგრაციის პროცესის ხელშეწყობასა და ქვეყანაში ბოლო პერიოდში განვითარებულ მოვლენებზე ისაუბრეს.
შეგახსენებთ, საქართველოს პრეზიდენტი მიხეილ სააკაშვილი სამუშაო ვიზიტით ამერიკის შეერთებულ შტატებში გაემგზავრა.
