ეროვნულ დემოკრატიულმა ინსტიტუტმა (NDI), სასტუმრო ქორთიარდ მარიოტში, საზოგადოებრივი აზრის კვლევის შედეგები წარმოადგინა.
იუსტიციის მინისტრის, თეა წულუკიანის საქმიანობას 19% ძალიან კარგად აფასებს, კარგად 33%, საშუალოდ 26%, ცუდად 4%, ძალიან ცუდად 2%. კითხვაზე პასუხი არ აქვს 12%-ს, უარი პასუხზე 5%-მა განაცხადა.
თავდაცვის მინისტრის, ირაკლი ალასანიას საქმიანობას კარგად 8% აფასებს, ძალიან კარგად 34%, საშუალოდ 33%, ცუდად და ძალიან ცუდად, ჯამში, 4%. პასუხი არ აქვს 16%-ს, ხოლო უარი პასუხზე 5%-მა განაცხადა.
შს მინისტრის, ირაკლი ღარიბაშვილის საქმიანობას კარგად და ძალიან კარგად, ჯამში, 43% აფასებს, 31% საშუალოდ, ცუდად და ძალიან ცუდად 6%.
საგარეო საქმეთა მინისტრის, მაია ფანჯიკიძის საქმიანობას კარგად და ძალიან კარგად 40% აფასებს, საშუალოდ 32%, ცუდად და ძალიან ცუდად 6%.
რაც შეეხება ჯანდაცვის მინისტრს, დავით სერგეენკოს, მის საქმიანობას დადებითად ჯამში 36% აფასებს, 35% საშუალოდ, ხოლო უარყოფითად 4%.
ფინანსთა მინისტრის, ნოდარ ხადურის საქმიანობას დადებითად 36% აფასებს, საშუალოდ 35%, უარყოფითად 5%.
სასჯელაღსრულების მინისტრი, სოზარ სუბარი - კარგად და ძალიან კარგად 32%, საშუალოდ 36%, ცუდად და ძალიან ცუდად 6%.
სოფლის მეურნეობის მინისტრი, დავით კირვალიძე - დადებითად 27%, საშუალოდ 33%, უარყოფითად 4%.
ენერგეტიკის მინისტრი, კახა კალაძე - დადებითად 32%, საშუალოდ 37%, უარყოფითად 10%.
განათლების მინისტრი, გიორგი მარგველაშვილი - დადებითად 29%, საშუალოდ 34%, უარყოფითად 10%.
რეგიონული განვითარებისა და ინფრასტრუქტურის მინისტრი, დავით ნარმანია - დადებითად 21%, საშუალოდ 34%, უარყოფითად 4%. პასუხი არ აქვს 35%-ს.
სახელმწიფო მინისტრი რეინტეგრაციის საკითხებში, პაატა ზაქარეიშვილი - დადებითად 20%, საშუალოდ 30%, უარყოფითად 5%. პასუხი არ აქვს 40%-ს.
სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში, ალექსი პეტრიაშვილი - კარგად 2%, ძალიან კარგად 15%, საშუალოდ 30%, ცუდად და ძალიან ცუდად 4%. პასუხი არ აქვს 43%-ს.
ლტოლვილთა და განსახლების მინისტრის, დავით დარახველიძის საქმიანობას, კარგად 2% აფასებს, ძალიან კარგად 13%, საშუალოდ 36%, ცუდად და ძალიან ცუდად 6%. პასუხი არ აქვს 38%-ს.
კვლევა ქვეყნის მასშტაბით, 13-27 მარტის პერიოდში ჩატარდა და მის ფარგლებში შემთხვევითი შერჩევით 3,103 ადამიანი გამოიკითხა. კვლევის ცდომილება 2.5%-ს შეადგენდა. იგი კავკასიის კვლევითი რესურსების ცენტრმა ჩაატარა და შვედეთის განვითარების ფონდის მიერ არის და-ფინანსებული. წინა კვლევა არასამთავრობო ორგანიზაციამ 2012 წლის ნოემბერში წარმოადგინა.
